2021-жылдын 3-июнунда, Чүй аймакта Арал айылындагы “Бурана” мейманканасында “Климаттын өзгөрүшүнө байланыштуу жер ресурстарын туруктуу башкаруу жана пайдалануу боюнча кызыкдар тараптардын маалымдуулугун жогорулатуу” темасында тегерек стол болуп өттү. Тегерек столго аймактын  коомчулугу, жакынкы жерлердеги дыйкандар жана жарандык коом, аймактын жер жана жайыт комитеттеринин өкүлдөрү, айыл өкмөттүн кызматкерлери катышты. ЕККУнун Бишкектеги Программалык кеңсесинин колдоосу менен Бишкектеги Орхус Борбору жана Кыргызстандын жер жана токой пайдалануучулар ассоциациясы өткөн тегерек столдун уюштуруучулар болду. Иш-чаранын өнөктөшү “Кыргызстандын Дүйнөлүк Өнөктөштүгү” БӨУ болду.

Тегерек столдун жүрүшүндө Бишкек шаарындагы Орхус Борборунун ишмердүүлүгү, аткарылган иштер жана пландаштырылган иш-чаралар жөнүндө маалымат берилди. Андан кийин Кыргызстандын жайыт пайдалануучулардын Улуттук Ассоциациясынын “Кыргыз Жайыты” өкүлү “Климаттын өзгөрүшүнүн шартында жайыттарды туруктуу башкаруу” темасында презентация жасады. Жолугушуунун катышуучулары ага көптөгөн суроолорду беришти, алар толугу менен жооп берди.

Андан кийин Кыргызстандын жерди жана токой пайдалануучулар ассоциациясынын өкүлдөрү “Агро токой чарбасы – жер ресурстарын туруктуу башкаруунун жана пайдалануунун инновациялык тутуму”, “Лейлек токой чарбасынын аймагындагы жайыттарда мал чарбачылыгын башкаруу ишкананын планы ” жана “Жергиликтүү чакан дыйкандардын жана Кыр-гызстандын, Тажикстандын жана Өзбекстандын токой пайдалануучуларынын органикалык азыктарын Европа Бирлигинин базарларына жайылтуу жана жайылтуу ” ” деген темаларда 3 презентация жасашты

Презентациялардын аягында бир нече суроолор берилип, презентация материалдарын талкуулоо болду. Соңунда катышуучулар уюштуруучулардан мындай жолугушууну дагы бир жолу өткөрүүнү суранышып, эскерүү үчүн сүрөткө түшүштү.