2025-жылдын 23-январында «Плаза Отель» мейманканасынын жыйындар залында КР БУУнун эксперттеринин колдоосу менен Жогорку Кеңештин депутаты Динара Ашимова тарабынан даярдалган «Климаттык иш жөнүндө» Кыргыз Республикасынын Мыйзамынын долбоору боюнча коомдук угуулар болуп өттү. Бул документ Кыргыз Республикасынын мамлекеттик органдарынын климат таануу маселелери боюнча иш-аракеттерин жөнгө салуу маселелери боюнча уникалдуу жана жалгыз болуп саналат.

Документтин өзү Кыргыз Республикасынын Жогорку Кеңешинин сайтында коомчулуктун кароосуна коюлуп, угуулардын жүрүшүндө аны иштеп чыгуучу Динара Ашимова өзү жарыялады. Бул документ 8 главадан турат, алардын ар бири Мыйзамдын маңызын, анын функцияларын жана максаттарын, Кыргыз Республикасынын климаттык иш-аракеттеринин институционалдык негиздерин, климаттын өзгөрүшүн жумшартуу жана адаптациялоо боюнча мамлекеттик саясатты ишке ашырууну, климатты каржылоо маселелерин жана инвестиция, саясаттын жана потенциалды жогорулатуунун илимий негиздери, эл аралык кызматташтык ачып берет. Бардыгы болуп документте 32 берене камтылган.

Угуулардын жүрүшүндө көптөгөн суроолор берилди, документке ар кандай сын-пикирлер айтылды, Мыйзам долбоорунун айрым статьяларына толуктоолор жана өзгөртүүлөр сунушталды. Жалпысынан долбоор угуунун бардык катышуучулары тарабынан оң кабыл алынды жана аны Кыргыз Республикасынын Жогорку Кеңеши тарабынан тез арада кабыл алуу зарылчылыгы белгиленди.